ਦਰਦ ਕਦੇ ਅਮੀਰ ਜਾਂ ਗਰੀਬ ਨਹੀਂ ਵੇਖਦਾ, ਤਾਂ ਫਿਰ ਇਲਾਜ ਵੀ ਹੈਸੀਅਤ ਦਾ ਮੁਹਤਾਜ ਕਿਉਂ ਹੋਵੇ ਇਹੀ ਸੋਚ Rebirth Physio Pain Solution ਦੀ ਨੀਂਹ ਹੈ। ਸਾਡਾ ਮਕਸਦ ਸਿਰਫ਼ ਕਾਮਯਾਬ ਕਲੀਨਿਕ ਜਾਂ ਕਮਾਈ ਨਹੀਂ; ਸਾਡੀ ਦਿਲੀ ਖ਼ਾਹਿਸ਼ ਹੈ ਕਿ ਕੋਈ ਵੀ ਗਰੀਬ ਪਰਿਵਾਰ ਸਿਰਫ਼ ਪੈਸਿਆਂ ਦੀ ਤੰਗੀ ਕਰਕੇ ਆਪਣੇ ਦਰਦ ਨਾਲ ਸਮਝੌਤਾ ਨਾ ਕਰੇ। ਸਾਡੀ ਕੋਸ਼ਿਸ਼ ਹੈ ਕਿ ਆਰਥਿਕ ਤੌਰ ’ਤੇ ਕਮਜ਼ੋਰ ਪਰਿਵਾਰਾਂ ਤੱਕ ਵੀ ਇਹ ਸੇਵਾ ਬਹੁਤ ਘੱਟ ਖ਼ਰਚੇ ’ਤੇ ਪਹੁੰਚਾਈ ਜਾ ਸਕੇ, ਤਾਂ ਜੋ ਕਿਸੇ ਦੀ ਮਜਬੂਰੀ ਉਸ ਦੇ ਇਲਾਜ ਦੇ ਰਾਹ ਵਿੱਚ ਰੁਕਾਵਟ ਨਾ ਬਣੇ। ਅਸੀਂ ਤੁਹਾਡੇ ਕੋਲੋਂ ਸਿਰਫ਼ ਇੱਕੋ ਬੇਨਤੀ ਕਰਦੇ ਹਾਂ ਸਾਡੇ ਲਈ ਦਿਲੋਂ ਅਰਦਾਸ ਕਰੋ। ਵਾਹਿਗੁਰੂ ਸਾਨੂੰ ਸੇਵਾ ਕਰਨ ਦੀ ਤਾਕਤ, ਨੇਕ ਨੀਅਤ ਅਤੇ ਸਮਰੱਥਾ ਬਖ਼ਸ਼ਣ, ਤਾਂ ਜੋ ਅਸੀਂ ਹੋਰ ਲੋਕਾਂ ਦੇ ਚਿਹਰਿਆਂ ਤੇ ਮੁੜ ਮੁਸਕਾਨ ਲਿਆ ਸਕੀਏ। ਤੁਹਾਡੀਆਂ ਅਰਦਾਸਾਂ ਸਾਡੀ ਸਭ ਤੋਂ ਵੱਡੀ ਪੂੰਜੀ ਹੈ ਇੱਕ ਨਿਮਰ ਬੇਨਤੀ। ਜੇ ਤੁਸੀਂ ਇਲਾਜ ਦਾ ਖ਼ਰਚ ਝੱਲ ਸਕਦੇ ਹੋ, ਤਾਂ ਕ੍ਰਿਪਾ ਕਰਕੇ ਇਸ ਰਿਆਇਤੀ ਸੇਵਾ ਦਾ ਲਾਭ ਨਾ ਲਵੋ। ਇਹ ਉਪਰਾਲਾ ਸਿਰਫ਼ ਉਹਨਾਂ ਲੋੜਵੰਦਾਂ ਲਈ ਹੈ ਜੋ ਆਰਥਿਕ ਤੰਗੀ ਕਾਰਨ ਇਲਾਜ ਨਹੀਂ ਕਰਵਾ ਸਕਦੇ। ਤੁਹਾਡੀ ਇਮਾਨਦਾਰੀ ਕਿਸੇ ਹੋਰ ਦੇ ਦਰਦ ਨੂੰ ਘਟਾ ਸਕਦੀ ਹੈ ਅਤੇ ਉਸ ਦੀ ਜ਼ਿੰਦਗੀ ਨੂੰ ਨਵੀਂ ਉਮੀਦ ਦੇ ਸਕਦੀ ਹੈ।